Selamat Datai Ngagai Gerija Kami

Allah Taala udah milih kitai bebaik enggau Iya Empu dalam Jesus Kristus, lalu Iya enda ngitung penyalah kitai agi.

Semua kitai  ke arap ka Iya udah diampun sereta udah digaga lurus ulih pengawa penebus Jesus Kristus ba atas kayu regang, deka nerima pemanah berekat Abraham, orang ti dikumbai Allah Taala pangan Iya. Nengah Berita Manah Jesus Kristus, semua kitai ke arapka pemendar tu, deka nerima berekat ti manah agi, berekat ti majah nambah-menambah.

Datai meh nemuai ngagai gerija kami, lalu ningaka nama Jaku Tuhan ti deka dikunsika Iya enggau kita.

“Ba pun iya kelia, JAKU endang udah bisi. JAKU nya enggau Allah Taala. Iya endang enggau Allah Taala kenyau ari pun. JAKU nya nyadi mensia, lalu diau begulai enggau kitai, lalu kami udah meda mulia Iya, mulia Iya ke nyadi Anak Tunggal Apai, ke penuh laban pengasih enggau pemendar.”

– John 1:1,2,14

“Kami madah ngagai kita pasal JAKU ti meri pengidup,  ti endang udah bisi kenyau ari pun…”

– 1 John 1:1

“Aku tu meh jalai, pemendar enggau pengidup. Nadai orang ulih datai ngagai Apai enti enda nengah Aku. Enti kita ngelala Aku, kita deka mega ngelala Apai Aku. Berengkah ari diatu kita ngelala Aku, lalu udah meda Iya.”

– John 14:6-7

Pengawa Penebus Udah Tembu

“Tang enti sida udah dipilih ulih pengasih (grace) reti nya sida ukai dipilih beduduk ba pengawa (work) ti dikereja sida, laban enti sida dipilih beduduk ba pengawa ti dikereja sida, reti nya pengasih ukai pengasih.”

Rome 11:6

Pengawa penebus Jesus Kristus ba atas kayu regang nya ti pun pemun pengelepas kitai, lebuh Jesus ti nyerauh enggau nyawa ti inggar, “Udah Tembu!”

(John 19:30)

“Kristus udah nebus kitai ari sumpah ti dibai Adat, laban Iya udah neju ka Diri ditinggang sumpah ngarika kitai, laban endang udah ditulis, “Tulah meh semua orang ke digantung ari kayu” ngambika, ulih Jesus Kristus, berekat ti diberi ngagai Abraham tau diberi ngagai orang bansa bukai, ngambika kitai, ulih pengarap, tau nerima Roh Kudus ti udah disemaya.”

Galatia 3:13-14

Berekat Abraham diberi ngagai kitai beduduk ba pengelurus ti diempu kitai ketegal pengarap kitai ke Jesus Kristus. Lalu ketegal pengarap, kitai nerima Roh Kudus ti udah disemaya.

Kitai ukai agi idup ari baruh perintah Adat, laban kitai udah mati keAdat, laban kitai diatu udahnya diraban tubuh Kristus (Rome 7:4). Sistem perintah Adat tu, iya nya ngasika semua pesan Adat, nyengkaum Adat 10 Pesan, nadai agi merintah kitai, laban kitai diatu idup ari baruh adat pengasih (grace) (Rome 6:4) ketegal pengarap kitai ke Jesus Kristus.

Nya alai diatu, orang kedalam Jesus Kristus, nadai kena ukum (Adat agi) laban adat Roh ti meri pengidup dalam Jesus Kristus, udah ngelepas ka kitai ari adat dosa enggau pemati (Rome 8:1).

“Nya alai, enti Anak ngelepas ka kita, kita amat dilepaska.”

John 8:36